‘Lalaki nga gikan mi-attend ug hearing sa korte, patay’

CEBU CITY – Patay ang usa ka lalaki human kini gipusil sa wala mailhing mamumuno sa Brgy Pajo sa dakbayan sa Lapulapu.

Ang biktima ang giila nga si Joseto Sabate, legal ang edad ug residente sa Brgy Ibo sa nahigutang dakbayan.

Matud ni PO3 Marvin Paraon nga ang biktima ang gikan nag attend ug hearing sa kaso niining my kalambigitan sa iligal nga drogas diha sa Lapulapu City Hall of Justice.

Matud pa nga posibleng gisundan kini sa mga mamumuno gikan sa korte. Riding in tandem ang gitudlong suspect sa maong krimen.

Nasayran nga angkas usab sa biktima ang iyahang asawa sa dihang gipusil kini sa mga maumuno hinungdan nga natumba usab ang motor nga ilang gisakyan.