CEBU CITY-Gipusil patay ang usa ka ilado nga mamaligyaay ug peke nga ilegal nga drogas gahapon nobyembre 12,2023 pasado alas 8 sa gabie ngadto sa Sitio Sto. niño Barangay Labangon.
Giila ang biktima nga si Rico Entoma Pelotio, 32 anyos nga taga Lucio Drive Barangay Calamba Cebu City.
Matud sa imbestigasyon sa kapulisan, ang biktima galakaw sa dalan padung sa A. lopez apan kalit siya gipusil ug siya naka angkon ug 2 ka samad pinusilan sa iyang ulo hinungdan sa iyang kalit nga kamatayon.
Adunay duha ka mga suspetsado ang na identify sa kapulisan pinaagi sa mga witnesses ug sa CCTV footage sa maong area apan padayon pa gihapon ang hot pursuit operation sa Labangon Police Station.
Sa inisyal nga assessment sa kapulisan, posibleng kalibre 45 ang gigamit sa maong pag pamusil apan ilaha pa kining gi verify sa Regional Forensic Unit.
Nasayran sa kapulisan sa Labangon Police Station sa pangulo ni Police Major Angelito Valleser nga ang biktima daghan og kontra nga nangita sa iyaha nga mga tawo gumikan kay iyang trabaho ang mo-scam sa mga mamalit niini og ilegal nga drogas.
Inay, nga ilegal nga drogas, ang iyahang ihatag tawas o asin, mao nga daghan ang nagdumot ug nangita kaniya.
Nasayran nga adunay past records ang kapulisan sa naasoy nga biktima nga tulo ka kaso, mao ang pagpangawat, illegal possession of firearms ug kalapasan sa RA 9165 o Comprehensive Dangerous Drugs partikular na ang section 5 (sale, distribution ug transportation sa ilegal nga drogas) ug section 11 ( possession of dangerous drugs). Gani bag o 2 ra pud ni siya nakagawas sa presohan 3 ka buwan na ang nilabay.
Gipalowan sa kapulisan ang ilahang imbestigasyon aron madakpan na ang mga suspetsado nga duha kabuok, ang usa mao ang nidrive sa motor ug ang usa ang backrider nga maoy nipusil sa biktima.
Ang gilantaw nga anggulo sa kapulisan karon mao ang kalambigitan sa biktima sa illegal nga drogas gumikan nga ilado na kini sa pang scam ug kaning tawas ug asin aron makahalin ug mogasto sa iyahang bisyo nga drugas.
Lakip nga nakuha usab sa SOCO ang 2 ka pakete mga shabu atol sa pagproseso sa crime scene.
