CEBU – Nasikop sa kapolisan sa dakbayan sa Mandaue ang suspek sa pagpatay sa magtiayon sa CICC Compound sa Barangay Guizo, dakbayan sa Mandaue karung adlawa Lunes, Septiyembre 26, 2022.
Giila ni Police Major Lean Rey Endozo hepe sa Centro Police Station sa dakbayan sa Mandaue, ang suspetsado nga si Celso Lauro Jr. 26, usa ka security guard nga taga Barangay Maslog, dakbayan sa Danao.
Samtang ang Biktima nga mag ti-ayon giila nga sila si Maria Chona Uro ug ang bana nga si Romeo Uro, usa ka security guard.
Base sa inisyal nga imbistigasyon “Crime of Passion” ang gipanglantawan sa mga kapulisan nga hinungdan sa pagpatay sa magtiayon gamit ang .45 nga kalibre nga loose firearm.
Samtang sa habig sa suspetsado nga si Celso Lauro Jr. nagkanayon kini, nga ang hinungdan sa iyang pagpatay sa magti-ayon gumikan kay aduna silay relasyon sa babaye ug sa matag higayon nga mag-away ang magti-ayon mo sulti ang babaye sa bana nga aduna silay relasyon, rason nga iyaha nalang kining gipatay kaysa maunhan pa siya sa bana niini, gitataw sa suspetsado nga sa wala pa sila nagkarelasyon iyaha naning gipasidan-an daan.
Gibutyag usab sa saksi nga si Mike Lauron, nga namutos na ang magtiayon kay molakaw na kini sa maong lugar, kini gumikan kay gi hostage ni Celso ang babaye og kulatado kini, og gabie nakatakas ang babaye sa mga kamot sa suspeck og nakauli sa ilang panimalay, hinungdan nga naka desisyon nga molakaw sa maong dapit, apan sa wala pa sila nakabiya nikalit og abut si Celso og gipamusil sila, nga nahimong hinungdan sa iyang hinanali nga kamatayon.
