Lalaki nga mihinol sa pag-umangkon sa iyahang asawa natanggong sa Mandaue City Police Station

MANDAUE CITY-Natanggong ang usa ka lalaki sa Police Station 6 sa Mandaue City Police Office MCPO gumikan nga wanted sa kaso nga 5 count of Act of Lasciviousness.

Gikataho nga ang akusado mihinol sa pag-umangkon sa iyahang asawa usa ka tuig na ang milabay hinungdan nga gipasakahan og kaso sa korte.

Gi-serve ang Warrant of Arrest sa dinakpan nga giluwatan ni Judge Maria Dee Seares sa Regional Trial Court RTC Branch 6 sa Family Court (FC) sa iyang gipuy-an.

Ang warrant sa akusado giluwatan niadtong Nobyembre 23 karong tuiga.

Mokabat sa P200,000 matag count ang gitugot sa korte ngadto sa akusado alang sa iyang temporaryo nga kagawasan.

Gihulagway kini sa kapulisan nga Top 3 sa Regional level sa Most Wanted Person sa rehiyon.