Prisohan ang napadulngan sa usa ka lalaki sa Spain human kini nikaon sa usa ka restaurant ug nag-order ug whiskey ug paella apan, sa dihang tig-bayad na kalit lang kini nga gi-atake sa iyang kasing-kasing.
Nakurat ang mga staff sa maong kan-anan sa iyang kalit nga cardiac arrest apan, nasayran nga atik ra diay ang tanan.
Human namatikdan nga atik ra ang tanan, nitawag dayon og kapulisan ang mga staff ug didto na nasarayan nga ang maong lalaki nga giilang si Aidas J, 50-anyos, usa ka Lituanian national nga nagpuyo sa habagatang-sidlakan sa port city sa Alicante ug kanunayng magpakaron-ingnong “typical Russian tourist”.
Ingon man nga dili lang kausa, kaduha, katulo apan, ika 20 na ka higayon kining nagpakaaron-ingnon nga gi-atake ug sa iyang pagkadakop tungod lang sa $37 o P2,000, balhog kini sa prisohan.
