Kinahanglan na nga makakuha og tinuod nga abogado ang usa ka lalaki nga nagpakaaron-ingnon nga abogado human kini gidakop sa mga awtoridad tungod sa reklamo sa iyang kanhi “kliyente.”
Sa mikatap nga video diin ang pagkasikop sa suspek sa mga personahe sa National Bureau of Investigation Anti-Organized and Transnational Crime Division sa dihang nigawas kini sa courtroom.
Matod sa NBI, dugay na nga nagpakaaron-ingnon nga abogado ang suspek nga lain-lain ang pangalan sa iyang government IDs ug ang ngalan gigamit isip abogado.
Matud pa sa hepe sa NBI-OTCD nga nag-isyu ang Supreme Court og certification nga ang gigamit sa maong lalaki nga roll number kay ang tag-iya dugay na nga patay.
Apan, depensa sa suspek nga adunay “human error” sa record dihang gihimo ang computerization sa korte.
Ug kusganong gituohan sa mga NBI nga daghan na nga kaso ang nalambigit sa suspek nga ilang imbestigahon.
Posible usab nga adunay implikasyon ang resulta sa mga kaso nga gidumala sa suspek kung mahibaw-an sa huwes nga dunay peke nga abogado ang mipatim-aw kanila.
