RAJASTHAN, INDIA-Nakahukom ang usa ka lalaki nga mahimong kriminal arun pamatud-an nga dili pa siya patay.
Giila kini nga si Baburam Bhil, taga Mithora village sa Rajasthan kinsang gipatay sa Indian government.
Nakurat kini sa dihang giisyu ang usa ka death certificate nga adunay iyang pangalan, busa gisulayan niya nga tul-iron ang sayup pinaagi sa pagduol sa state authorities.
Apan, asoy niini nga kapila na niya gisuwayan sa pagtul-id sa maong kasaypanan apan wala tagda ang iyang apelasyon ug subo nga gikompiskar sa gobyerno ang iyang mga kabtangan sa rason nga patay na ang tag-iya.
Mao kini ang panahon nga nakahunahuna siya nga mahimong bayolente ug mohimo og krimen.
Misulod kini sa usa ka tunghaan, bitbit ang kutsilyo ug nimugna og eskandalo.
Ingon man nga duha ka magtutudlo ug usa ka ginikanan ug pagkahuman gi-hostage ang mga estudyante hangtod nga miabot ang mga pulis.
Pag-abot sa mga kapulisan, gipasabot ni Rajasthan nga makadaghang higayon na siyang mihangyo nga kanselahon ang iyang death certificate apan wala kini tagda.
Dugang pa ni Rajasthan nga ang tumong sa iyang paghimo og eskandalo kay dakpon siya sa mga awtoridad ug pugson ang pulis nga ibutang ang iyang pangalan sa rekord nga pamatuod nga siya buhi ug dili pa patay.
Gipriso ang maong tawo, apan usa kini ka “big win” alang kaniya tungod kay milampos ang iyang plano dihang gipahibalo sa mga awtoridad nga ilang imbestigahon ang kamatuoran sa iyang alegasyon.
