Nabayloan ang pagkangangha sa usa ka lalaki sa Boston, USA og kalipay sa dihang nasurpresa kini sa duha ka pulis nga nanuktok ug gipangita siya sa iyang balay, tungang gabii sa iyang adlaw nga natawhan.
Nasayran nga unang nakadawat og tawag ang kapulisan sa emergency hotline 911 gikan sa usa ka lalaki nga nihangyo nga adunay mo-greet kaniya og happy birthday.
Ang nanawag sa 911 nga nagpaila sa iyang kaugalingon nga si Chris, nga unang gituohan sa mga otoridad nga usa ka mangingilad.
Ilabi na nga ang mga prank nga tawag sa 911 hugot nga gidili.
Apan, gipersonal kini sa mga Police Officers nga sila ni Officers Israel Branco ug Franklin Ortiz ug ipaabot ang hangyo nga birthday greetings kang Chris.
Ug gikantahan pa kini with matching muffins nga adunay kandila nga gidala mismo sa duha ka pulis.
