Lalaki patay human ma-igo sa kilat samtang naglingkod sulod sa iyang balay

CEBU CITY-Patay ang usa ka lalaki human kini maigo sa kilat sulod mismo sa iyang panimay sa Sitio Luwac Barangay Canbanwa lungsod sa Argao.

Ang biktima giila nga si Larry Bahenting Amohan, 43 anyos.

Gisaysay ni PO3 Maynapas Howard nga basi sa ilang imbestigasyon, nga naglingkod ang biktima sa sala niini apan kalit nga niigo ang kusog nga kilat sa TV Antenna hinungdan nga ni-ground ug midiritso sulod sa panimay hinungdan sa pagka-igo sa biktima.

Gidala pa kini sa tambalanan apan gideklarar na kini nga dead on arrival

Kahinumdoman nga nibundak ang makusog nga uwan inubanan sa dugdog og kilat lukop dakbayan sa Sugbo og pipila ka bahin sa probinsya kagahapong adlawa.