Nakahimo og 12,412 ka mga pull-ups ang usa ka 22-anyos nga atleta sa Virginia sulod sa 24-oras aron sulayan pagbu-ak ang usa ka Guinness World Record.
Nagsugod si Xavier Dillard sa iyang attempt record alang sa most pull-ups sulod sa 24-oras, pasado alas-dies sa buntag niadtong Dominggo ug nakompleto niya ang iyang marathon exercise session sa susamang oras niadtong Lunes.
Nasayran usab nga ang kasamtangang record, natala ni Mexican Enrique Zapata niadtong Enero.
Gibutyag ni Dillard nga nagsugod siya sa paningkamot nga makuha ang record sa pull-ups ning nakalabay’ng tulo ka mga tuig dihang gisulayan niya nga malabwan ang mga abilidad sa usa niya ka higala hangtud nga nagsugod na siya pag-train alang sa world record ning nakalabay’ng duha ka mga tuig.
Ang ebidensya gikan sa maong attempt i-review pa sa Guinness World Records aron kini mahimong opisyal.
