Lalaki sa Ghana zoo, patay human misulod sa hawla sa leon

CEBU – Patay ang usa ka lalaki sa zoo sa nasod nga Ghana human nisulod sa hawla sa leon ug giatake sa mananap.

Sa usa ka taho, gipahibalo sa mga opisyal sa wildlife nga misaka ang maong indibidwal sa security fences sa zoo nga nahimutang sa Accra.

Giingong giatake kini ug nasamdan sa usa sa mga leyon, sulod sa inner fencing sa enclosure.

Sa uwahi, namatay ang maong lalaki gumikan sa mga samad nga naangkon niini.

Nasayran nga babaye ang maong leon ug aduna kiniy duha ka anak.

Gi-imbestigaran na sa kapulisan kung giunsa pagsulod sa lalaki ang gidili nga lugar.