Nakatala og bag-ong record ang usa ka lalaki gikan sa Pakistan human kini nag-thumbs pushups kon pag-push gamit lang ang dakong kumagko.
Kini na ang ikatulong higayon nga nabuak ni Muhammad Arshad ang iyang kaugalingong Guinness World Record pinaagi sa 66 ka pag-thumbs push-up samtang ang usa ka tiil wala nasugyad sa semento sulod lang sa usa ka minuto.
Nasayran nga si Muhammad Arshad, nakabuak na og sobra sa 14 ka Guinness World Records tungod sa iyang pagka-atleta og pagkakusgan.
Sumala pa ni Arshad nga ang pag-push up gamit lang ang duha ka komagko sa kamot usa sa pinakalisud buhaton og talagsaon nga ehersisyo nga nagkinahanglan og Talagsaong kusog, balanse, ug kalig-on sa hunahuna.
Apan ang maong katalagsaon maoy nag-aghat kaniya nga kini buhaton.
Gipaambit usab niini ang pinakadakong hagit matud pa niya sa maong buhat mao ang pagpabiling balanse tungod kay ang usa ka tiil niini naka-90 degree angle man tungod kay gamay lang nga sayop mahimong nang mawalay bili ang pagsulay sa pagkab-ot sa world record.
