CEBU – Gipusil-patay ang usa ka lalaki gabie Domingo, Septiyembre 18, sa wala pa mailhing mamumuno sa daplin sa dalan sa Sitio Urassi, Barangay Sambag 1 sa dakbayan sa Sugbo.
Giila sa kapolisan ang biktima nga si Edwardo Bersabal nga taga Sitio Laguna sa samang barangay.
Kung diin si Bersabal nakaangkon og mga samad sa iyang paa ug ulo.
Gi-tataw ni Police Major Nolan Tagsip, hepe sa Abellana Police Station, nga di pa nila masuta ang motibo sa pagpatay sa biktima.
Dugang pa, nga ilang gi-verify ang mga taho gikan sa mga residente nga ang lalaki adunay depekto sa pangisip.
Matod ni Tagsip nga posibleng adunay panagbangi ang biktima sa gunman nga miresulta sa iyang pagpatay.
Kasamtangang nagpadayon pa ang kapulisan sa Abellana Police Station sa ilang imbestigasyon sa pagpatay kang Bersabal sa pag-sulat niining balitaa.
