Cebu City- Nadakpan na sa kapulisan sa Parian Police Station ang lalaki nga nag-viral sa facebook human wala nilampos sa suway nga pagpangawat ug bugas sa Pier 3, Siyudad sa Sugbo tungod kay natagak ug napi-ang ang bukton.
Nasayran nga nadakpan si Gerald Martinez Simbajon alyas “Ago” dili sa kasong pagpangawat apan tungod sa paghupot ug ginadiling drugas.
Matud ni Police Major Henry Orbiso, ang hepe sa Parian Police Station nga nadakpan si Simbajon sa Brgy. T Padilla tungod kay nasakmitan ug 10 ka sachet sa shabu.
Kasong kalasapan sa Section 5 ug 11 sa RA 9165 kun Comprehensive Dangerous Drugs Act of 2002 ang atubangon ni Simbajon.
Sigon sa hepe nga nakig alayon pa sila sa Station 3 kalabot sa report nga misuway kini ug pagpangawat.
Gangkon niini nga ang pagsuway nga pagpangawat sa bugas tungod matud pa sa kalisod sa kinabuhi.
