CENTRAL VISAYAS-Igo nalang sa paghilak ang usa ka lalaki human nga nasikop sa National Bureau of Investigation sa gipahigayon nga entrapment operation kagahapon sa buntag, Pebrero 28 gumikan sa kalapasan sa pagpamaligya ug peke nga mga PCSO-STL Bet Stubs atol sa entrapment operation.
Giila ang maong suspek nga si alyas Esde residente sa Jakosalem Street, Brgy. Kamagayan dakbayan sa Sugbo pinaagi sa ipahigayong joint operation sa NBI- CEBDO ug NBI- CEVRO nakuha sa panimalay niini ang mga peke nga bet booklets sa Small Town Lottery ( STL).
Depensa sa maong lalaki nga igo lang nga gibilin sa iyang balay ang mga booklets sa iyang mga amigo apan hingpit niini nga giangkon nga kada booklet nga ibilin sa iyang balay tagaan siyag P2.00.
Diin nakuha sa posisyon sa suspek ang mokabat sa 240 ka mga peke nga bet booklets nga nasakmit sa mga otoridad.
Gipasabot ni Christian Carlos ang operation manager sa King Dragon nga ang mga peke nga mga booklets dunay logo sa King Dragon Gaming and Amusement Corporation nga maoy gitugutan sa PCSO sa pag operate sa STL sa probinsya sa Sugbo nga maoy gisundan sa peke nga booklet.
Butyag pa ni Carlos sa NBI nga maayo ang ilang halin sa una dihang nagsugod sila sa pag-operate sa Sugbo niadtong Oktubre 21, 2023. Apan sa misunod nga mga buwan, ilang namatikdan ang inanay nga pagkunhod sa ilang halin.
Sa pagpahigayon og internal audit, ilang nahibaw-an nga pipila ka mga tiket nga giturn-over sa ilang mga nakadaog nga bettors wala marehistro ubos sa ilang system hinungdan nga nangayo kini ug tabang sa NBI.
Gibutyag usab ni Arnel Pura ang Agent in Chare sa NBI- 7 nga wala nagbayad ang maong laki ug tax ingun man remittance sa PCSO samtang ang lihitimo kinahanglan mo bayag ug minilyon matag buwan sa PCSO ug kung pasagdan ang maong ilegal nga kalihukan posibling malugi ang lehitimo ug nisunod sa lagda sa goberno.
