CEBU CITY-Napusilan ang usa ka lalaki human giingong misuway og sukol sa kapulisan sa Sitio Taop Brgy. Cogon Ramos ning dakbayan sa Sugbo.
Giila ang suspetsado nga si Edgar Arellano, lumulopyo sa maong dapit.
Narekober sa kapolisan gikan sa suspek ang usa ka homemade cal. 38 revolver nga walay serial number.
Matud sa kapulisan nga usa ka concerned citizen ang mitawag sa ilang buhatan ug gipahibalo kalabot sa armadong tawo.
Sa dihang pagresponde sa kapulisan kay giingong kalit nga mibunot ang suspek sa armas niini ug gipabuthan ang mirespondeng mga pulis apan wala kini makabuto.
Hinungdan nga mibalos ang kapolisan sa pagpusil sa suspek ug naigo sa wala nga bitiis.
Daling gidala sa Cebu City Medical Center alang sa pagpatambal ug mag-atubang kini sa kasong kalapasan sa RA 10591 o illegal nga paghupot og armas subay usab sa Comelec Gun Ban.
