Pakasohan og kasong Violation of Article 200 of the Revised Penal Code o mas naila nga Grave o Public Scandal ang duha ka content creators sa dakbayan sa Cabadbaran nga nag-viral, human mihimo og video nga naghubo ug nilingkod sa toilet bowl tungod mismo sa Traffic Light Area, sa Barangay Mabini, Cabadbaran City, Agusan del Norte.
Giila ang mga suspects nga sila si Johnriel Esma Alibio ug si Elton Esma Alibio, susamang mga 18-anyos.
Makita sa video nga gi-post sa Facebook page, nga nagbitbit og toilet bowl ang usa ka lalaki, ug gibutang kini sa tunga sa traffic light intersection sa Barangay Mabini, Cabadbaran City.
Ingon man nga naghubo ug milingkod sa toilet bowl kansa nakahatag og disturbo sa publiko, nga ningsangput usab sa obstruction sa traffic flow.
Kasamtangang gi-kostodiya na sa Cabadbaran City Police Station ang duha ka mga suspetsado alang sa saktong disposisyon.
