LILOAN,CEBU- Namusil ang usa ka lalaki sulod sa usa ka subdivision sa Barangay Tayud, lungsod sa Liloan sa amihanang Sugbo kagahapo sa buntag adlaw sa Huwebes, Agosto 7, 2025.
Giila ang suspetsado sa maong panghitabo nga si Jeffrey Cortes Jr., hingkod ang panuigon ug lumulupyo sa 39 Countryside Homes Phase 1, Barangay Tayud, Liloan.
Ingon man ang mga biktima sa pagpamusil niini kay silang Anthony Panares, 19-anyos; Rene Lim, 27-anyos; ug Cerili Ouano, 42-antos nga maayo nalang og wala maigo sa pagpanghasi sa suspek.
Sumala sa imbestigasyon sa Liloan Municipal Police Station atol sa eksklusibong pakighinabi sa Bombo Radyo Cebu Newsteam kang Police Chief Master Sergeant Arni Goc-ong nga matod pa ang suspek kay diha sa ilang panimalay sa dihang namusil kini sa gisakyang awto sa tulo (3) ka biktima.
Gani niadto pa kini sa silingang panimalay ug dugang nanghasi sa laing tawo diin nakaigo na kini og daling giadto sa tambalanan sa Danao City DIstrict Hospital diin padayon pang giila ang ikaupat nga biktima.
Sa sunod nga bahin sa panghitabo kay didto na misuway og pusil sa kaugalingon ang suspek sulod sa iyang balay.
Girespondehan dili lamang sa mga lokal nga kapulisan sa lungsod sa Liloan ang maong insidente apan lakip na sab ang Special Weapons and Tactics (SWAT) Team nga gikan sa dakbayan sa Danao.
Inilang tiggamitay sa ginadiling droga ang suspek sumala pa sa mga kasilinganan niini diin usa kini sa mga gipanglantawang angulo sa pangpanghasi sa suspek.
