Nakuratan nalang sa dihang pagmata sa usa ka lalaki sa Norway human nasayran nga sa iyang beachside nga tugkaran kay gidungoan og usa ka dakong cargo ship.
Giila ang homeowner nga si Johan Helberg kinsa nagpuyo sa baybayon sa Byneset sa syudad sa Trondheim sa Norway diin misangad ang usa ka 135meter long container ship sa tugkaran sa iyang panimalay.
Ang nakahibungan sa mga awtoridad kay sa maong serye sa panghitabo kay wala dayon nakamatigon si Johan tungod sa “tulog mantika” nga pagpahuway niini.
Nakamata nalang kini sa dihang aduna nay sige og pangulit sa iyahang doorbell diin siya gipukaw ug gipangutana sa iyang silingan kung wala ba kini kabantay sa panghitabo.
Nagtingsi nga mipahayag si Johan nga “uncomfortable” kini sa maong panghitabo tungod aduna siyay bag-ong silingan nga dakong barko.
Maayo nalang og walay natalang naangol o panghitabo sa oil spill sa maong panghitabo ug plano sa mga awtoridad nga makuha ang cargo ship kung mu-high tide na sa maong dapit.
Dugang sa mga awtoridad nga naglusad na sila og imbestigasyon bahin niini diin sa inisyal nga report kay walay suspisyon sa impluwensya sa ilimong makahubog o ginadiling druga sa mga crew sa maong barko ug Angulo lang sa nakatulog nga guiding crew ang posibling hinungdan niini.
