-- ADVERTISEMENT --
CENTRAL VISAYAS-Nipagawas ang Land Transportation Office (LTO), Central Visayas og show cause order sa driver sa usa ka modern jeepney kinsa nipakanaog sa mga pasahero niini bisan pa og walay pormal nga reklamo nga gipasang-at batok kaniya.
Kini ang gitino ni Eduardo Montealto Jr., ang Regional Director sa LTFRB-7, nga sa pagkakaron, aduna nay schedule sa hearing ang driver sa maong modern jeep.
Sa pikas bahin, gilantaw karun nga problema sa naasoy nga buhatan, ang mga walay disiplina nga mga drivers.
Gibutyag ni Montealto nga daghan na sila og nasampolan nga mga bandlungon nga drivers ug gani pipila kanila ang gitaktak sa ilahang operators apan mubalhin lang kini og laing transport denomination sama sa taxi.
