Langas nga mga commercial sa TV, gi-ban sa California USA

I-ban na sa State of California sa Estados Unidos ang mga langas nga mga patalastas (commercials) sa telebisyon human napasar ang balaudnon sa pagmando nga paubsan ang gikusgon sa tingog sa mga madungog sa TV.

Hagbay rang reklamo sa mga Amerikano sa mga advertisements nga mas kusog pa og tingog kun itandi sa mga programang ilang gilantaw.

Ang bag-ong balaod sa pinakadakong estado sa Amerika naglatid sa paghangop sa mga reklamo sa mga Californians aron ma-enjoy nila ang ilang mga gitan-aw nga mga programa nga saysay pa ni Governor Gavin Newsom human sa pagpirma niini.

Gisulat usab sa lehislasyon ang karaan nga mga balaod nga nag-regulate lamang sa mga broadcast ug cable provider aron maapil na ang mga online streamers.