CEBU – Kinahanglan pa nga maghatag ug kapin sa 3.6 milyon nga dosis sa mga bakuna sa COVID-19 ang Central Visayas aron maabot ang bag-ong target alang sa gibag-o nga kampanya sa pagbakuna sa gobyerno.
Ang pinakaulahing report gikan sa Department of Health sa Central Visayas (DOH-7) nagpakita nga kinahanglan pa nilang i- inoculate ang 3,635,038 ka mga indibidwal, nga nag-edad ug 5 anyos pataas, alang sa ilang ikaduha ug booster doses.
Dugang pa, nga ang Central Visayas kinahanglan pa nga mohatag og booster doses ngadto sa 2,780,691 ka indibidwal, nga nag-edad og 18 ngadto sa 59 anyos.
Nagkanayon ang DOH-7 nga ang COVID-19 vaccination coverage sa rehiyon, sa bahin sa booster doses, anaa pa sa 20.02 porsyento sukad niadtong Agosto 11, 2022, kung diin ilang gitumong nga mahatagan ug labing menos usa ka dosis sa booster shot ngadto sa 3,476,662 ka indibidwal.
Mao usab ang mga senior citizen, diin 270,679 niini ang wala pa makadawat sa ilang ikaduhang dosis.
Gumikan kay sa 677,108 ka mga senior citizens sa Central Visayas, 60.02 porsyento lang, o 406,429 ka mga tigulang, ang gikonsiderar nga hingpit nga nabakunahan.
Nasayran nga ang DOH-7, ug ang tanan nilang mga katugbang sa lain-laing mga rehiyon, gihatagan hangtod Oktubre 8 aron ma-inoculate ang 90 porsyento sa mga senior citizen, ug masiguro nga 50 porsyento sa kinatibuk-ang populasyon, nga nag-edad 18 hangtod 59 anyos, nakadawat na labing menos ilang unang booster shoot.
