LAPU LAPU CITY-Mipahigayon og lain-laing mga kalihokan nga nagpasiugda sa gugma, pagdayeg, ug koneksyon ang pagsaulog sa mga Person Deprived of Liberty atol sa Special Day, gahapong adlawa.
Pipila sa mga kalihokan naglakip sa paghatag og mga buwak, cake, ug mga regalo sa ilang mga suod nga pamilya o mga paryente ingon man ang pagtan-aw sa mga video greetings gikan sa ilang mga minahal ug wala mawala ang giingon nga ‘wall of love’ diin ang mga PDL ug mga personnel misuwat og mensahe nga adunay kalabutan sa gugma ug pasalamat.
Ingon man ang paghalad sa mga BJMP og mga kanta ug gitugotan usab ang mga PDL sa pagpagawas sa ilang gipabati pinaagi sa videoke session.
Anaa usab ang “ZUM-Valentines”, diin ang PDL ug mga personahe miapil sa Zumba nga puno sa lagsik nga mga sayaw, nagpasiugda sa kahimsog.
Samtang, ang LLCJFD personnel ug random nga mga residente sa Soong, Mactan, ug Lapu-Lapu City nakadawat og mga rosas isip lihok sa pagpakatap sa gugma ug positibo sa komunidad.
