Giila sa Department of Finance – Bureau of Local Government Finance ang Dakbayan sa Lapu-Lapu isip Top 1 City sa Year-on-Year Growth sa Locally Sourced Revenues (LSR) sa FY 2023–2024.
Kini taliwala sa tanang highly urbanized nga mga siyudad sa nasod.
Nasayran nga ang pag-ila kay nagpasiugda sa liderato sa kanhi Mayor ug karon Congressman nga si Junard “Ahong” Chan, ug sa padayon nga pasalig ni Mayor Cindi King-Chan sa pagpalig-on sa fiscal performance ug self-sustainability sa siyudad uban sa suporta sa matag Oponganon.
Ingon man nga ang Dakbayan sa Lapu-Lapu nagbarog isip modelo sa progreso ug maayong pang-gobyerno, usa ka siyudad nga padayon nga nagkalig-on samtang nagserbisyo sa mga tawo niini uban ang dedikasyon ug kasingkasing.
Subay niini, ipahigayon ang seremonyas sa pagdungog karong Nobyembre 5, 2025 ngadto sa Taguig City.
