LAPU-LAPU CITY— Andam na nga mubalik sa iyang pagpanerbisyo isip mayor si Lapu-lapu City mayor Junard ‘Ahong’ Chan human naayo gikan sa covid-19.
![](https://img.bomboradyo.com/cebu/2020/06/CHAN-1.jpg)
Sa pakighinabi sa Bombo Radyo Cebu sa tulumanong Bombohanay sa Udto kang Mayor Chan, giingon niini nga mi-resulta na ang iyang paningkamot nga mamaayo sama nalang sa pag-isolate, pag-inom og vitamins, ug steam inhalation o “Tuob” sulod sa duha ka semana.
Mahinumdumang nagpositibo si Chan sa Covid-19 niadtong Hunyo 12 human nagpa swab test.
Giisip usab sa mayor nga usa ka dakong milagro ang iyang pagkaayo.
Subay niini, tun-an sa mayor ug sa mga opisyales sa ilang dakbayan ang mga bagong lakang karong gipa-ubos na sa hard lockdown ang Cebu City.
Unahon matud pa niini ang paghatag og alternative food supply gumikan kay dili na basta-basta nga maka-cross over sa mga merkado sa Cebu.
Mila-um usab ang mayor nga dili mapaubos sa ECQ ang Lapu-lapu City.