LAPU-LAPU CITY, CEBU-Gitino ni Lapu-Lapu City Mayor Junard ‘Ahong’ Chan nga dili kini babag sa temporary deployment sa mga police personnel sa Negros Oriental.
Matud ni Mayor Chan nga temporaryo lang ang maong reassignment ug dili man mabakante ang kapulisan sa dakbayan kay ihulip man kini sa mga pulis nga gikan sa naasoy nga probinsiya.
Sigon pa, tuyo ug tumong mao ang pagtabang sa silingan nga probinsiya hinungdan nga adunay 233 ka mga personnel gikan sa Lapu-Lapu City Police Office ang ipadala sa Negros Oriental.
Kahinumdoman nga daghang mga mayor ingon man ang gobernador mismo sa probinsiya sa Bohol nga si Governor Aris Aumentado ang mipadayag sa ilahang oposisyon sa naasoy nga lakang gumikan sa posibling epekto niini sa nagkadaiyang programa nga gipatuman sa PNP sa ilahang lokalidad.
