Lapu-Lapu City Mayor papahawaon ang mga floating cottage nga gikan sa Cordova

CEBU – Dili motugot ang dakbayan sa Lapu-Lapu nga mo-operate ang mga floating cottage sa kadagatan niini.

Kagahapong adlawng Sabado, nihatag og pahimangno si Mayor Junard “Ahong” Chan wala madugay human nakakita sa pipila ka mga floating cottage gikan sa Cordova nga nag-angkla sa baybayon sa Barangay Marigondon sa Lapu-Lapu City.

Nasayran nga mismo ang mayor ug iyang asawa nga si Lapu-Lapu City Rep. Ma. Cynthia Chan maoy nakakita sa upat ka floating cottages dihang padulong unta sa Caohagan Island aron mang-apod-apod sa mga educational supplies.

Gidugang ni Chan nga wala mangayo og pagtugot sa City Hall ang mga tag-iya sa floating cottage aron maka-operate sa Barangay Marigondon.