CEBU CITY — Wala nagdahum ang Lapu-Lapu City Social Welfare Office acting head nga si Annabeth Cuizon nga natakbuyan kini og COVID-19 tungod sa trabaho apan naayo kini human misuway sa mga natural remedies alang niini.
Matud ni Cuizon nga gisunod niini ang mga matang sa pagpatambal gikan sa mga testimonya sa mga COVID-19 recovered patients sulod sa 22 ka adlaw nga pagka-admit niini sa tambalanan.
Gipalig-on pag-ayo ni Cuizon ang resistensya sa iyang lawas pinaagi sa pag-inom og ascorbic acid nga vitamins ug pagkaon og lemonsito.
Samtang nagpatu-ob kini o steam inhalation katulo sa usa ka adlaw ug nag-hot shower kini sulod sa iyang lawak aron makahanggap og init nga vapor.
Bisan pa man og gi-dextrose kini isip asymptomatic patient, nabantayan ni Cuizon nga halos nawad-an ang iyang panglasa maong nawala ang iyang gana sa pagkaon.
Hinungdan kung nganong ningdaut ang iyang lawas sulod sa dul-an usa ka buwan sulod sa hospital.
Apan nagpasalamat si Cuizon sa tanang mga nag-ampo alang sa iyang kaayuhan, taliwa sa kakuyaw ug kabalaka nga nasinati niini.
Ni-awhag ang maong opisyal sa katawhan nga magmatngon sa kanunay ug mosalmot sa strategic rapid testing aron masayud ang pamati sa panglawas subay na sa global pandemic.
