Nakalatag na ang secutiry detail sa dakbayan sa Lapu-Lapu alag sa nagsingabot nga Association of Southeast Asian Nations (ASEAN) Tourism Forum 2026 nga mahitabo diri sa Sugbo diin ang dakbayan kay usa sa mga syudad sa nasud nga magsabak og programa.
Kini ang gikumpirmar ni Lapu-Lapu City Police Office (LCPO) City Director Police Col. Antonietto Cañete atol sa eksklusibong pakighinabi niini sa Bombo Radyo Cebu News Team diin matud pa nga nagpahigayon sila og coordination meeting sa National Organizing Committee sa pag-host sa Pilipinas sa ASEAN events karong tuiga og ingon man ang pakigtambayayong sa mga local government units ug mga security managers sa mga pribadong establisyemento sama sa hotels.
Ang dakbayan sa Lapu-Lapu kay usa sa mga highlighted cities atol sa maong kalihukan tungod tugpahanan niini sa Mactan-Cebu International Airport ug mga maanindot nga resorts.
Giklaro sab sa opisyal nga walay nakuhang intelligence report sa hulga sa seguridad hinungdan nga kumpyansa sila nga magmalinawn ang pipila ka adlaw nga kalihukan nga duyugan sa mga langyaw nga bisita sa mga dagkong posisyon.
Ingon man nga dugang 150 ka personahe ang gi-augment sa LCPO aron mapun-an ilag pwersa sa pagpatuman og kahapsay ug kalinaw sa dakbayan sa mahitabong Travel Forum sa dakong bahin sa Metro Cebu.
