Mipasalig ang British-Israeli international lawyer nga si Nicholas Kaufman, lead counsel ni kanhi Presidente Rodrigo Duterte sa International Criminal Court (ICC), sa lig-on nga depensa nga mahimong mosangpot sa pag-absuwelto ni Duterte.
Matud ni Kaufman nga anaa pa siya sa proseso sa pagkompleto sa defense team alang kang Duterte.
Ang kampo ni Duterte sa sayo pa miingon nga gawas kang Kaufman, si kanhi executive secretary Salvador Medialdea ug kanhi presidential spokesperson Harry Roque mahimong kabahin sa mga supporting lawyer sa panel.
Dugang usab ni Kaufman nga adunay mga petisyon nga ipasaka, apan daghang kasayuran ang ipadayag sa ulahi kung mahuman na ang team.
Gawas sa paghatag og lig-on nga depensa, si Kaufman niingon usab nga nanghinaot siya nga mabalik si Duterte sa Pilipinas.
