Mitaliwan na ang legendary musician nga si Quincy Jones sa edad nga 91-anyos.
Gikompirmar kini sa iyang publicist, nga si Arnold Robinson, diin nabugtoan ang iyang kataposang ginhawa sa iyang balay sa Bel Air.
Ingon man nga wala niini gihisgutan ang hinungdan sa iyang kamatayon.
Ang iyang karera nagsangkad sa 75 ka tuig diin siya nakadaog sa 28 Grammy Awards ug giila nga labing impluwensyal nga mga musikero sa jazz sa ika-20 nga siglo sa TIME magazine.
Nagtrabaho siya kauban si Frank Sinatra nga kauban sa ag-areglo sa kanta nga “Fly Me To The Moon”.
Nailhan usab siya nga producer sa “Thriller” nga album ni Michael Jackson ingon man sa iyang “Bad” album.
Niadtong 1985 gitigom niya ang mga 46 ka sikat nga mga mag-aawit sa US sama nila Jackson, Bruce Springsteen, Tina Turner ug Cyndi Lauper aron himoon ang kanta nga “We Are The World”.
Naghimo usab kini og mga soundtrack sa kapin 50 ka mga salida ug mga programa sa TV lakip ang 1969 British nga salida nga “The Italian Job”.
