Giobserbar karon sa tibuok nasud nga Pilipinas ang Lenten season kon Holy Week, diin ang mga Kristiyanong Katolika nagpahigayon og pipila ka mga relihiyosong kalihokan sa tibuok nga Semana Santa.
Apan, adunay mga kaigsuonan usab nato nga anaa sa laing nasud nga nanimpad, busa gisuta sa Bombo Radyo Cebu newsteam kung susama ba usab ang kalihokan sa mga langyaw nga nasud kung mag selebrar ug obserbar na sa Lenten season.
Subay niini, eksklusibong nahinabi sa Bombo Radyo Cebu newsteam si Denmark Suede, ang Bombo International News Correspondent sa nasud nga Australia, aron masuta kung aduna basay aktibidad ang maong nasud subay na sa Semana Santa.
Gibutyag ni Suede nga sa Australia susama lang ang kalihokan sa nasud usab nga Pilipinas apan nadugangan lang ang penitensya niini tungod sa kasamtangang hagit nga giatubang karon—ang padayong saka sa presyo sa produktong lana.
Gitino usab ni Suede nga sa Australia, ang dominant religion sa maong nasud mao nga 20% katoliko, 9.8% Anglican, apan ubay-ubay sa mga autralyano nga dili matuohon sa Ginoo, diin anaa kini sa 18-38%.
Gitataw usab ni Suede nga kasagaran sa mga katoliko didto sa Australia adunay kalahian sa mga katoliko sa Pilipinas. Diin sa Pilipinas gisaglan ang pagtuo og tradisyon apan sa Australia, kung unsa ang naandan mao ra usab ang pagabuhaton.
Susama sa pagbisita sa Simabahan atol sa Good Friday ug sa Easter Sunday.
Ingun man dili usab susama sa aktibidad sa Pilipinas nga adunay ipahigayon nga buhing kalbaryo.
