Leptospirosis cases sa Manila, misaka na og kapin sa 1,000; tambal batok sa sakit gipang-apod-apod na

Miabot na sa 1,051 ang natala nga mga kaso sa leptospirosis sa siyudad sa Manila karong tuig, base sa datos sa Manila Health Department gikan Enero 1 hangtod kagahapon.

Tungod sa pagsaka sa mga kaso, giawhag ni Manila Mayor Isko Moreno ang publiko nga dili magduha-duha sa pag-inom og doxycycline, nga libre nga gipang-apod-apod sa mga ospital ug health center sa siyudad.

Giawhag usab ang mga residente nga magpadayon sa pag-amping, ilabina sa mga lugar nga kanunay bahaan.

Sukad Lunes, gideklarar ang leptospirosis outbreak sa Manila, samtang pipila ka mga ospital sa siyudad nakaabot na sa ilang full capacity.

Gipahinumdoman ang publiko nga mangayo dayon og medikal nga pagtagad kung makasinati og mga simtomas sa leptospirosis.