Gipahimangnoan ang publiko sa Occupational Health Nurses Association of the Philippines kabahin na sa risgo nga gibitbit sa sakit nga leptospirosis ngadto na sa kinabuhi sa mga katawhan.
Hinungdan nga nagpahimangno si Llane J. Conception, ang Presidente sa OHNAP Cebu Chapter, ug kini nunot nga adunay kinabuhing natuldokan tungod sa maong matang sa sakit, nunot na sa exposure niini sa tubig-baha nga gipahinabo ni bagyong Tino niadtong Nobyembre 4.
Sa maong masulob-ong balita, gipaambit sa asawa sa biktima nga bisan pa sa intensive nga pagtambal lakip ang dialysis, daghang tubo, ug usa ka pamaagi sa kasingkasing, ang iyang kondisyon dali nga migrabe tungod kay ang impeksyon grabe nga nakadaot sa iyang mga kidney, baga, ug kasingkasing.
Subay niini,gikabutyag ni Conception atol sa esklsusibong pakighinabi sa Bombo Radyo Cebu team nga mas maayu nga mupakonsulta dayun sa doktor kung mitunob og kagawon nga tubig-baha, hilabi na sa mga nabanlasan nga dapit nga dunay daghang mga nangamatay nga hayop.
