CEBU – Mipatimbaya si Ruben Feliciano, San Fernando mayoral candidate, ngadtu kang Mayor Lakambini ‘Neneth’ Reluya.
Gihangyu ni Feliciano si Reluya nga kalimtan na nila ang kapa-itan ug kadumut alang sa pag-uswag sa lungsud sa San Fernando.
Matud pa nga kutub lang sa eleksyon ang pulitika ug karun nga mitingug na ang katawhan hayan dawatun ang resulta ug magpadayun sa pagserbisyo sa publiko.
Gipadayag usab ni Feliciano ang kagustuhan niini nga personal nga maka-isturya si Reluya arun sa pag-uli-ay sa maayung kabubut-un.
Sigon pa nga andam kini nga i-withdraw ang kaso nga iyahang gipasaka ngadtu sa Ombudsman batuk sa mayor alang sa kalinaw sa tanan.
Dugang pa niini, iyahang supurtahan ang administrasyon ni Reluya ug nanghinaut nga supurtahan sa mayor ang iyahang gidusu nga international port nga pagatukurun sa lungsud.
Gipasalamatan ni Feliciano ang mga tawu nga nagpaluyu kaniya sa iyahang kandidatura.
