Gibutyag ni Batangas 1st District Cong. Leandro Leviste nga wala nay opisyal nga bidding ang Department of Public Works and Highways (DPWH) alang sa mga proyekto, inay mopili na lang kini og mga kontraktor nga duol sa molingkod nga mga opisyal bugti sa kickback.
Gipaambit usab ni District Engineer Abelardo Calalo ngadto kang Leviste ang mga pangalan sa pipila ka dagkong kontraktor ug ang ilang tahas ubos sa kanhi representante sa distrito. Matud ni Leviste nga sulod sa tulo ka tuig, kapin sa P1-B ang mahimong igahin alang sa Kongresista.
Dugang pa sa kongresista nga nakita usab niya ang rason nganong giduol siya sa mga kontraktor tungod kay iyang gisusi ang mga flood-control projects sa 1st District sa Batangas lakip na ang mga nangaguba dayon, ingon man nga iyang gitataw nga sa higayon nga makadawat og kickback ang usa ka Kongresista, mahimong dili na siya ma-imbestigahan sa mga substandard nga proyekto.
Niinsistir usab si Leviste nga kinahanglang tapuson na ang kurapsyon sulod sa DPWH tungod kay makaapekto kini sa mga proyekto nga gihatag sa mga lungsuranon, mao nga iyang giawhag ang district engineer ug ubang mga kanhi empleyado o kontraktor sa DPWH nga mahimong state witness aron hingpit nga mahibaw-an ang gidak-on sa kurapsyon.
Samtang, dihang gipangutana sa Bombo Radyo Philippines kon nakig-estorya ba siya kang Sec. Manuel Bonoan, matud niya nga wala pa siya makigsulti sa kalihim, apan giangkon ang iyang hinanaling aksyon kalabot niini.
Dugang pa niya nga nanghinaot siya nga aduna pa’y aksiyon ang maong butang ug dili lang ang pagdakop. Andam sab siyang makig-estorya kon gikinahanglan apan iya kining gitugyan sa katakos ni Bonoan.
