Nagprotesta ang liboan ka mga tawo sa Ankara, Turkey, nunot sa panawagan sa Presidente Recep Tayyip Erdogan nga moluwat sa iyang katungdanan.
Pipila sa mga lungsuranon sa nasud ang nagpahigayon sa rally pagkahuman sa usa ka tuig nga legal crakdown sa mga miyembro sa Republican People’s Party (CHP) ingon man ang nagsingabot nga pagpalagpot sa kasamtangang lider sa Republican People’s Party (CHP) ug Main Opposition leader nga si Ozgur Ozel taliwala sa desisyon sa korte nga gikatakda gahapong adlawa, Lunes, Setyembre 15.
Diin, ang pagdungog gahapong adlawa gikatakda nga balihon ang mga resulta sa boto sa kongreso sa Nobyembre 2023 sa CHP tungod sa giingong pagpanglimbong sa boto.
Bisan pa, sa pagpakita sa pagsupak sa pagsulay batok sa Opposition leader, ang mga miyembro sa partido nagpundok sa Tandogan Square sa Ankara sa gabii sa wala pa ang pagdungog gahapongadlawa. Sa footage, madungog ang mga nagprotesta nga nagsinggit alang sa Presidente sa Turkey nga moluwat samtang nagwarawara sa bandila sa ilang nasud ug mga bandila sa partido.
Gikondena usab ni Ozel ang pagdungog isip kabahin sa giingong pagsulay sa kudeta sa gobyerno sa Turkey batok sa oposisyon, ug gitawag ang kaso nga politically-motivated ug ang mga alegasyon usa ka matang sa pagbutangbutang.
Gatusan ka mga miyembro sa partido ang nabilanggo na sa mga kaso sa korapsyon ug terorismo, lakip ang nag-unang kaatbang sa politika ni Erdogan, Istanbul Mayor Ekrem Imamoglu.
