Gibana-bana nga 120,000 ka tawo ang nidagsa ug mipuno sa usa ka estadyum sa Douala, ang pinakadakong siyudad sa Cameroon, aron motambong sa misa ni Pope Leo XIV isip kabahin sa iyang upat ka nasod nga paglibot sa Africa.
Ang misa gipahigayon sa Japoma Stadium ubos sa hugot nga seguridad.
Kung diin, ang ubang mga deboto nagpalabay pa gani og gabii sa gawas sa lugar aron personal nga masaksihan ang Santo Papa.
Sa iyang homiliya, nanawagan si Pope Leo sa mga lungsuranon nga likayan ang kapintasan bisan pa sa kakabos.
Gipasiugda usab niya nga adunay igo nga bahandi alang sa tanan kung kini ipanghatag sa hustong paagi.
Ang Cameroon nagpadayon sa pag-atubang sa lainlaing mga hagit sa seguridad ug politika ubos sa pagpangulo ni President Paul Biya.
Bisan pa niini, mainiton nga gidawat sa katawhan sa Cameroon si Pope Leo, nga sumala sa mga lider sa simbahan naghatag og paglaum ug inspirasyon sa nasud.
