GREECE-Gipabakwit ang Liboan ka mga residente sa Athens tungod sa nagkadako nga sunog.
Daghang mga balay ug eskwelahan sa Varnavas ingon man sa amihanan-sidlakang Athens ang naugdaw sa kalayo.
Niabot na og kapin sa 80 ka tiil ang gitas-on sa sunog sa nahisgutang lugar.
Bisan ang mga helicopter ug ayroplano nga nagtabang sa pagpawong sa sunog nahunong tungod kay wala sila makaagwanta sa kainit.
Ang mga awtoridad sa Greece nangayo og tabang gikan sa ubang mga nasud aron mapugngan ang sunog.
Hinungdan nga ang France nagpadala og Super Puma utility helicopter samtang ang Czech Republic nagpadala og 75 ka mga bombero ug 25 ka mga sakyanan.
Gilauman, nga ang tabang moabut usab gikan sa mga nasud sa Spain, Italy, Turkey, Romania ug Canada.
Nahimong hagit sa mga bombero ang kusog nga hangin nga nidako sa kalayo.
