Gipabakwit ang liboan ka mga residente sa Washington state human miawas ang mga suba tungod sa kusog nga ulan sulod sa pipila ka adlaw.
Ang insidente hinungdan usab sa paghunong sa mga tren sa Amtrak gikan sa Seattle ug Vancouver.
Gumikan ubsa sa kaylap nga pag-ulan,gideklarar sa Washington ang statewide emergency.
Ang mga rescuer migamit og mga helikopter aron pagluwas sa daghang mga residente duol sa Sultan, Washington nga natanggong sa kaylap nga pagbaha.
Nabalaka usab ang mga awtoridad nga ang walo ka dagkong mga suba nga naglibot sa Washington magpadayon sa pag-awas.
Gimandoan usab ni Gobernador Bob Ferguson sa Washington ang National Guard nga moresponde sa mga biktima sa baha.
Nagpasidaan usab ang mga eksperto nga ang kaylap nga pagbaha mahimong molungtad pa og pipila ka adlaw.
