Gilusad sa Kagamhanang Lalawigan sa Sugbo ang Libreng Konsultasyon alang sa Libreng Operasyong Surgical didtp sa Isidro Kintanar Memorial Hopital sa lungsod sa Argao sa habagatang probinsya niadtong Sabado, Abril 18, 2026.
Kaabag sa Kapitolyo sa Sugbo ang Vicente Sotto Memorial Medical Center alang sa maong medical consultation program nga nagtinguha sa pag-andam sa mga pasyente sa ilang mga surgical services.
Ang mga operasyong surgical nga gitanyag kay mao ang sa Gallstones (Bato sa Apdo), Hernia (Danlak), Hemorrhoids, Goiter, Breast Cancer, Myoma, ug Cyst Excision.
Gipanikad kini sa Kapitolyo alang sa umaabot surgical mission sa susamang dapit sa Mayo 1-3 nga kabahin sa inisyatiba sa kasamtangang administrasyon sa pagpaduol sa serbisyong panglawas sa mga Sugboanon ilabi na kadtong mga ana sa mga hilti na dapit o lagyo sa access sa dekalidad nga tambalanan sa syudad.
