CEBU – Gipahibaw ni Eduardo Montealto Jr. , ang regional director sa Land Transportation Franchising and Regulatory Board (LTFRB), nga nagbadhas-badhas pa gihapon ang mga modern jeepneys nga nagdalit og libreng sakay alang sa publiko.
Gitino ni Montealto nga 50 ka adlaw lamang kini gitugotan ug sa iyahang pagbana-bana kutob nalang kini karong umaabot Hulyo 10.
Nasayran nga adunay 692 ka modern jeepneys lakip na ang e-buses ang nagtanyag og libreng sakay sa katawhan dili lamang sa dakbayan sa Sugbo kun dili lakip na usab sa ubang bahin sa probinsya.
Sa pangutana kung posible pa ba kining lugwayan, nagkanayon si Montealto nga magdepende na kini sa sunod administrasyon gumikan ang pondo nga gitagana sa maong libreng sakay kutob lamang sa administrasyon ni Presidente Rodrigo Duterte.
