Gikumpirmar ni Commission on Appointments (CA) chairman ug Senate President Vicente Sotto III nga ang iyang opisina nakadawat og kopya sa resolusyon sa Kalayaan nga naghangyo nga tangtangon gikan sa rekord sa komisyon ang komento ni Senador Rodante Marcoleta nga “give-up Kalayaan Island Group.”
Matud niini nga iyang imbestigahan una ang maong butang ug mahibal-an ang hustong proseso nga sundon kalabot sa maong hangyo.
Mahinumduman nga ang Sangguniang Bayan ng Kalayaan mihangyo sa CA nga tangtangon gikan sa opisyal nga rekord ang pamahayag ni Marcoleta nga nagsugyot nga ang Pilipinas kinahanglan nga mo-give up sa KIG.
Gihimo sa Senador ang kontrobersyal nga pamahayag atol sa hearing sa komite sa CA sa nasudnong depensa niadtong Pebrero 4, apan giinsistir sa Senador nga ang iyang pamahayag gikuha gikan sa konteksto.
Kusganong giinsistir sa mga opisyal sa Kalayaan nga bisan usa ka pulgada sa ilang teritoryo dili mahimong i-surrender, ug ang bisan unsang rekord nga nag-ingon niini usa ka “sayop sa kasaysayan” nga kinahanglan nga korektahan.
Sumala sa resolusyon, ang panawagan nga “ihatag” kay giingong KIG nagbudhi sa sakripisyo sa mga residente ug nagpakamenos sa kaisog sa mga nadestino sa Pag-asa Island ug sa mga silingang lugar.
