Nagpabuto ang usa ka armadong tawo sa gawas sa usa ka sekondaryang tulunghaan sa kasadpang bahin sa Turkey niadtong Martes, diin lima ka tawo, lakip na ang mga estudyante, ang naangol sumala sa balita sa lokal nga media.
Nahitabo ang maong pagpamusil sa district sa Turgutlu, probinsya sa Manisa, mga alas-8 sa buntag, ug usa sa mga naangol ang naa karon sa seryoso nga kahimtang.
Usa ka wala mailhing suspek ang daling misulod sa lugar ug namusil apan sa wala pa matino nga hinungdan, dayon miikyas gikan sa maong dapit. Daling miresponde ang kapulisan ug mga medical team sa insidente; gipahugtan ang seguridad sa palibot sa eskwelahan, ug nagpadayon ang pagpangita sa namusil.
Kini nga pag-atake mao ang labing ulahi sa sunod-sunod nga nahitabong pagpamusil sa maong nasod.
Kaniadtong Abril, usa ka 14 anyos nga batan-on ang nagpabuto usab sa usa ka tunghaan sa probinsya sa Kahramanmaras nga nakatala og napulo ka namatay, siyam ka estudyante nga nag-edad og 10 hangtod 11 anyos ug usa ka magtutudlo, sa wala pa namatay ang batan-ong nagpamusil sa maong dapit.
