Gihatagan og katin-awan ni Engineer Robinson E. Jorgio, ang Regional Director sa PHIVOCLS-7 kabahin sa hisgutanan sa mga pangutana sa katawhan og nganung mas kusog ang impact sa 6.9 magnitude nga linog sa Northern Cebu niadtong Setyembre 30, kung itandi sa 7.4 magnitude nga linog sa Davao Oriental niadtong Oktobre 10, 2025.
Matod niya, ang epicenter sa maong linog sa Sugbo duol sa populated area kumpara sa Davao nga layo-layo diin adunay 40 kilometros ang gilay-on sa populated areas mao nga ingun ato ang nahimong kalahian sa impact sa duha ka managlahing linog.
Sa pakighinabi sa Bombo Radyo Cebu team kang Engineer Robinson E. Jorgio, iyahang gipasabot nga ang Philippine trench mao kini ang nagmugna sa linog, diin mao kini ang boundary sa Archipelago tali Philippine Sea Plate.
Gihatagan usab og katin-awan ni Engr. Jorgio nga ang linog nga nitumaw sa Visayas ug Mindanao kay managlahi tungod kay managlahi kini og mga fault systems, diin sa Mindao trench samtang sa Visayas submarine fault, busa wala kini koneksyon sa nahimong pagtay-og sa Mindanao nga dapit.
Sa pikas bahin, giklaro usab niini ang kalahian sa intensity ug sa magnitude, diin ang intensity mao ang impact nga natala sa yuta tungod sa linog, samtang ang magnitude mao ang “total measure of energy.”
