CEBU CITY-Ipatuman sa kapulisan sa dakbayan sa Sugbo ang Liquor ban ug anti noise ordinance sulod sa 100 meter radius sa duha ka unibersidad nga maoy venue sa tulo ka adlaw nga bar exam nga magsugod sa domingo Septembre 17, 2023.
Matod ni Police Lieutenant Colonel Janette Rafter ang deputy city director for operation sa Cebu City Police Office nga kabahin kini sa ilang ipatuman nga siguridad lakip na ang dili pag tugaw sa mga mo take sa bar exam.
Dugang pa, nga kadtong mga panimalay nga anaa sa palibot sa University of San Carlos Main ug sa University of San Jose Recoletos giawhag nga dili lang una mamaligyag ilimnong maka hubog ug dili lang usab mag videoke sa mga adlawng Domingo, Miyerkules ug sa sunod Domingo.
Magsugod sa pagpatuman ang kapulisan sa liquor ban ug anti noise sa alas 5 sa kaadlawon hangtod na sa alas 10 sa gabii.
