Nikatap karon sa social media ang usa ka lalaki nga taga Brgy. Pulpogan, Consolacion, nga nireklamo tungod kay gipahibawo siya nga naapil siya sa lista sa mga apektado sa Bagyong Tino nga miigo niadtong Nobyembre 4 2025, kinsa makadawat og assistance gikan sa Department of Social Welfare and Development-7 (DSWD-7).
Matod pa sa pamahayag sa maong reklamante sa iyang facebook post, gipahibalo siya nga motambong sa validation og mag-andam og mga ID’s, hinungdan miabsent siya sa iyang trabaho ug milinya alang sa validation.
Apan dako niyang kasagmuyo gumikan kay dili klaro sa iyang habig kung unsa ang intension nga ilakip siya sa lista apan wala diay klaro ug tataw nga apil siya.
Subay niini, eksklsibong gihinabi sa Bombo Radyo Cebu si Shalaine Marie Lucero, ang Regional Director sa DSWD-7, ug iyang giklaro nga ang lista nga gikan sa opisina sa DSWD gitawag kini nga “clean list” nga nagpsabot nakig alayon ang buhatan Department of Social Welfare and Development (DSWD) sa mga nagkadaiyang Local Government Unit (LGU), kinsa ang LGU mao ang gikonsiderang mas nakaila sa ilahang matag konstitwento, hinungdan nga mao ang nangulo sa pag panglista sa mga indibiwal nga biktima sa maong bagyo sa kategoryang Partially damaged ug totally damaged.
Dugang pasabot ni Lucero nga ang gitawag nga “clean list” mao ang limpyo nga listahan sa mga pamilya nga makadawat sa emergency cash transfer, diin ibalik kini nga lista sa LGU nga nagtumong sa pagsiguro nga ang ila pakining macheck, ug makompirmar nga ang anaa lista ilahang konstitwente.
Gitino niya nga sa higayon nga madepensahan na sa LGU ang maong lista, adunay verification nga mahitabo aron pagasutaon kung ang mga requirements sa mga benepisyaryo sakto na ba, aron malikayan nga dili tukma ang mga requirements niini sa kung unsa ang na input nga detalye gikan sa LGU.
