CEBU CITY- Plano karon sa local government sa probinsya sa Bohol nga magpagawas og reward money para sa paspas nag pagsikop sa mga responsabli sa pagpatay ni Buenavista Bohol Mayor Ronald Tirol.
Kini ang gibutyag ni Bohol Governor Edgar Chatto. Sa pakighinabi sa Bombo Radyo Cebu kang gobernador Chatto, gitataw niini nga giistoryaan pa kini nila karon kauban ang League of Municipalities-Bohol Chapter ang pagpagawas og reward money.
Apan giklaro usab ni Chatto nga mag-agad sila sa desisyon sa pulis tungod kay basi sa ilang peace and order council, ang PNP man magdesisyon kung pila ang ipagawas nga kwarta.
Samtang mipaabot sa iyang pahasubo si Chatto sa pamilya sa mayor. Matud pa niini nga kung mi-uban lang ang mayor nila nga mi-attend og wedding ceremony niadtong adlawa nga gipatay kini, dili unta kini mahitabo sa mayor.
Apan gi-awhag na lang ni Chatto ang publiko ilabina sa lungsod sa Buenavista nga i-uban sa ilang pag-ampo ang mitaliwan nga mayor ug magpabiling kalmado sa panghitabo.
Milaom usab karon ang gobernador nga masikop na ang mga suspects ug masuta kubng kinsa ang nagsugo nga ipapatay si Mayor Tirol ug unsa ang motibo niini
