Nakita na sa Department of Health (DOH) ang posibilidad sa Zero Balance Billing nga masakop ang mga ospital sa lokal nga gobyerno sa sunod tuig 2026.
Sumala ni DOH Spokesperson Albert Domingo, posible kini tungod sa diskusyon sa miting sa Bicameral Conference Committee nga ang pondo sa ilang ahensya mahimong madugangan og P1 bilyon para sa pagpalugway sa nahisgutang programa.
Gipasabot ni Domingo nga pinaagi niining pondo, mahimo na nilang masakop ang mga level 3 LGU hospital sa nasud ug kung dili madugangan ang ilang pondo, ang ilang kasamtangang badyet mahimo gihapon nga masakop ang unom ngadto sa walo ka probinsya.
Gibutyag ni Domingo nga ang mga LGU nga makabenepisyo sa Zero Balance Billing mao ang mga lokal nga gobyerno sa Sarangani, Laguna, Aklan ug Benguet samtang ang Pampanga, Bataan ug Quezon gikonsiderar karon nga dugang.
Samtang, base sa datos gikan sa Malacanang, kapin sa 1,078,000 ka mga lungsuranon ang nahimong benepisyaryo sa nahisgutang polisiya sulod lang sa upat ka bulan
