Loisa Andalio ug Ronnie Alonte, engaged na

Gikumpirma sa aktres nga si Loisa Andalio nga engaged ni sila sa iyahang uyab nga si Ronnie Alonte, gahapon Biyernes, Nobyembre 21,2025.

Sa iyang social media, iyang gipakita ang iyang engagement ring nga adunay ‘oval-shaped diamond’ samtang naggakos sa iyang iro.

Walo ka tuig na ang relasyon sa manag-uyab, diin una na nga gibutyag ni Andalio nga si Alonte na ang iyang “the one” sa usa ka interbyu niadtong Hulyo 2023.

Gibutyag usab sa aktor nga wala siya magmatinud-anon sa aktres sa daghang higayon kaniadto ug kinahanglan silang magbulag, apan sa ulahi nagbalik sila.

Nidagsa ang mga pahalipay gikan sa ilang mga kauban sa showbiz human nila nasayran ang maayong balita.